Ja zindagi Madine se jhonka hawa ka la lyrics

جا زندگی مدینے سے جھونکے ہوا کے لا
شاید حضور ہم سے خفا ہیں منا کے لا

کچھ ہم بھی اپنا چہرۂ باطن سنوار لیں
بوبکر ؓ سے کچھ آئینے صدق و صفا کے لا

دنیا بہت ہی تنگ مسلماں پہ ہوگئی
فاروق ؓ کے زمانے کے نقشے اٹھا کے لا

محروم کر دیا ہمیں جن سے نگاہ نے
عثمان ؓ سے زاویے زرا شرم و حیا کے لا

مغرب میں مارا مارا نہ پھر اے گدائے علم
دروازۂ علی ؓ سے یہ خیرات جا کے لا

باطل سے دب رہی ہے پھر اُمت رسول کی
منظر ذرا حسین سے کچھ کربلا کے لا

کرنا ہے اپنے آپ کو آراستہ اگر
کردار اپنے سامنے سب اولیاء کے لا

یہ جنگِ کفر و حق ہے اگر تجھ کو جیتنی
ہر نوجواں کو قاسم و طارق بنا کے لا

سجدہ میں گڑ گڑا یا محمد کے پیر پڑ
جا اور جلد رحمتِ حق کو بلا کے لا

کس منہ سے پیش ہوگا “مظفر”حضورِ حق
اِس کو شہیدِ اُسوۂ آقا ﷺ بنا کے لا

مظفر وارثی

About talha

Check Also

Koi to hai jo Nizam e Hasti Chala Raha Hai lyrics

حمد کوئی تو ہے جو نظام ہستی چلا رھا ہے وہی خداہے دکھائی بھی جو …